Pages

Sunday, June 6, 2010

ငယ်ငယ်တုန်းကလို

နန်းမှာ ချိုကြီးလို့ ခေါ်တဲ့ မိန်းကလေး သူငယ်ချင်းတစ်ယောက်ရှိတယ်။ ညီအစ်မအရင်းလို ချစ်ရတဲ့ သူငယ်ချင်းပေါ့။ နန်းတို့ နှစ်ယောက်က သိပ်တော့ နူးနူးညံ့ညံ့ မဟုတ်ဘူး။ ဘောလုံးကန်လိုက်၊ ရန်ဖြစ်လိုက်၊ ဗျောက်ဖောက်လိုက်၊ ဂိမ်းဆော့လိုက် ပေါ့။ နန်းတို့ တက်တဲ့ အထက်တန်းကျောင်းရဲ့ နောက်ဖေးအထွက် တံခါးပေါက်ဘေးမှာ မုန့်ပြားသလက် ရောင်းတဲ့ဆိုင်လေး ရှိတယ်။ ဆန်မှုန့်ကို ရေနွေးနဲ့ဖောက် ထန်းလျှက်ကို ကျိုပြီး အိုးခင်းလေးထဲမှာ ထည့်ပြီး မီးဖုတ်ရတဲ့ အစားအစာမျိုးလေ။ 

နန်းတို့ နှစ်ယောက်က အစားလဲ ပြူးတယ်။ အိမ်က မုန့်ဖိုး ဘယ်လောက်ပေးပေး မလောက်တတ်ဘူး။ အဲ့ဒီအခါ တိုမိုကိုလေး လို့ ခေါ်တဲ့ နန်း ညီမလေးဆီကနေ ပိုက်ဆံချေးတတ်တယ် (ပြန်တော့ မဆပ်ဖူးပါဘူး ဟီး)။ အိမ်က ပိုက်ဆံတော့ မသိအောင် မယူဖူးဘူး။ မုန့်စားလို့လဲ ဘယ်တော့မှ မ၀ဘူး။ အဲဒီတော့ သူငယ်ချင်းနှစ်ယောက် ဆားချက်ကြတယ်။

ဘယ်လိုမျိုး ဆားချက်လဲဆိုတော့... နန်းက နန်းတို့အိမ်ကနေ ဆန်ကွဲ (ဇကွဲ ဟု အသံထွက်ပါရန်) နှစ်ဗူးလောက်ကို အိတ်လေးနဲ့ ထည့်လာ။ ချိုကြီးက သူ့အိမ်ကနေ ဆန်ကွဲ နှစ်ဗူးလောက်ကို အိတ်လေးနဲ့ ထည့်လာ။ ပြီး အဲ့ဒီ ဆန်ကွဲတွေကို မုန့်ပြားသလက်နဲ့ လဲစားကြတယ် ဟီး။ မီးဖိုလေးဘေးမှာ ငုပ်တုပ်လေးတွေ ကိုယ်စီထိုင်ပြီး ဆန်ကွဲနဲ့ မုန့် လဲစားခဲ့ကြတာကို ခုထိ နန်း သတိရနေမိတုန်းပါ။ အလယ်တန်းကျောင်းသူဘ၀ ငယ်ငယ်တုန်းကပေါ့။

ခုလဲ ငယ်ငယ်တုန်းကလို.....................။

1 comment:

nobelmine said...

ခုကေါ ဆန်ကွဲ လဲပြီ အင်တာနက်ဖိုး ရှာနေသေးလား